Umuhanzi uri mubarikuzamuka neza mu muziki Nyarwanda, Wariva Hamim, yashyize hanze indirimbo nshya yise “Igurire Akantu” afatanyije n’umuraperi, Bushali.
Wariva, avugako iyi ndirimbo ikubiyemo ubutumwa bukangurira abantu gukora cyane bagakura amaboko mu mufuka byacamo bakigurira akantu.
Mu kiganiro Wariva yagiranye n’ikinyamakuru Ibyamamare, yagize ati “Ni indirimbo ivuga kubuzima busanzwe, ikangurira abantu kuvana amafoko mu mufuka bagakora cyane, nuko bagira icyo bageraho bakabona kwihemba”
Wariva yavuzeko impamvu yahisemo gufatanya n’umuraperi Bushali muri iyi ndirimbo ari ukubera ukuntu akunda imiririmbire ye.
Yagize ati “Bushali ni umuhanzi nkunda, nemera Arts ze, imiririmbire ye, iyi ndirimbo iri munjyana ya Dril namuhisemo kuko numvag ariwe wajyamo neza ikaryoha kurushaho”
REBA VIDEO
Wariva amaze gushyira hanze indirimbo Eshatu kuva atangiye gukora umuziki, Uyu muhanzi arasaba abakunzi b’umuziki kumushyigikira nawe abizezako atazabatenguha kuko yiteguye kujya abaha umuziki mwiza cyane.
