Umuraperi P.Diddy umaze amezi atatu afunzwe yafashwe n’agahinda gakabije

Umuraperi P.Diddy umaze amezi atatu afunzwe akurikiranyweho ibyaha byo gufata abagore ku ngufu, yananiwe kwiyumvisha ko ari kurira iminsi mikuru mu buroko, asaba kujyanwa kwa muganga.

Daily Mail yatangaje ko uyu mugabo yafatiwe n’agahinda muri gereza, kuko yumvaga iminsi mikuru izagera yarabashije kuva mu buroko akayisangira n’umuryango we.

Bivugwa ko Diddy kuri uyu wa Kane tariki 26 Ukuboza, yiyumvishemo ikibazo asaba abashinzwe umutekano muri gereza kumushyira mu bitaro bya gereza kuko yumvaga ashobora kuba arimo kugira ihungabana, baza kumubera ibamba.

Iki kinyamakuru cyavuze ko umwe mu nshuti za hafi z’uyu muraperi, yavuze ko iri hungabana yaritewe no kutabasha kwakira kuguma mu buroko.