Umunyamakuru wari ukunzwe cyane wari amaze iminsi asaba abagiraneza ubufasha bwo kwivuza yapfuye

Umunyamakuru wari mubakunzwe cyane mugihugu cya Kenya, Mary Njambi, wamamaye cyane nka Jahmby Koikai, yitabye Imana aguye mu bitaro bya Nairobi Hospital.

Jahmby Koikai yari amaze igihe arembejwe n’uburwayi asaba ubufasha bwo kujya kuvurizwa mu mahanga.

Koikai yari amaze iminsi yandikiye inzego nkuru z’igihugu harimo na Perezida amusaba ko yamufasha kujya kwivuriza muri Amerika.

Jahmby Koikai yakoraga kuri Radio, yari umushyushyarugamba ukomeye mu mujyi wa Nairobi niwe wayoboraga ibirori byinshi byaberaga muri uyu mujyi, kumbuga nkoranyambaga yakurikirwaga n’abantu benshi cyane aho nko kuri instagram yakurikirwaga n’abarenga ibihumbi 200.