Umunya-Slovenia Tadej Pogacar yegukanye Shampiyona y’Isi y’Amagare ya 2025, yabereye muri Afurika ku nshuro ya mbere mu mujyi wa Kigali.
Yakurikiwe n’Umubiligi Remco Evenopoel na Mattias Skjelmose Jensen waje ku mwanya wa gatatu.
Ku wa mbere, tariki ya 21 Shampiyona y’Isi y’Amagare yatangiye kubera mu Rwanda, ku nshuro ya mbere ibereye ku Mugabane wa Afurika.
Ibitangazamakuru mpuzamahanga n’abafana ibihumbi bateraniye muri BK Arena aho gusiganwa n’igihe byatangiriye.
Ni mu gihe abandi bafana ibihumbi bateraniye kuri Kigali Convection Center ahari gusorezwa irushanwa.
Shampiyona y’Isi y’Amagare (UCI Road World Championships) ni amarushanwa mpuzamahanga ategurwa buri mwaka n’Impuzamashyirahamwe y’Amagare ku Isi (UCI – Union Cycliste Internationale).
Ibihugu 110 byitabiriye iri rushanwa ry’amagare ryitabirwa n’abakinyi babigize umwuga.
Shampiyona y’Isi y’Amagare, iri kubera mu mujyi wa Kigali kuva tariki ya 21 kugeza 29 Nzeri 2025.
Ni rimwe mu masiganwa akomeye yabayeho kuko rizaba rigizwe n’inzira y’ibilometero 267,5 irimo akazamuko ka metero 5.475.
