Polisi y’u Rwanda yatangaje ko Miss Muheto Divine yafashwe kubera gutwara ikinyabiziga yanyoye ibisindisha birengeje igipimo, kandi nta ruhushya rwo gutwara ibinyabiziga agira.
Polisi kandi yavuze ko uyu Nyampinga, akurikiranyweho kugonga no kwangiza ibikorwa remezo, hamwe no guhunga nyuma yo kugonga.
Ni mu butumwa Polisi y’u Rwanda yanyujije ku rubuga rwa X, kuri uyu wa 29 Ukwakira 2024 ivuga ko dosiye ya Miss Muheto yamaze gushyikirizwa ubushinjacyaha.
Yagize iti “Polisi iramenyesha ko Miss Muheto Divine yafashwe kubera gutwara ikinyabiziga yanyoye ibisindisha birengeje igipimo, kandi nta ruhushya rwo gutwara ibinyabiziga agira, kugonga no kwangiza ibikorwa remezo, hamwe no guhunga nyuma yo kugonga.”
Ikomeza rigira riti ” Ibi ntabwo ari ubwa mbere yari abikoze.”
Muri Nzeri 2023, nabwo Miss Muheto yakoze impanuka yamuteye ibikomere ariko cyane cyane ijisho rimwe rye rigira ikibazo avurirwa mu bitaro bya ‘La Croix du Sud’ aho benshi bazi nko kwa Nyirinkwaya.
Nshuti Divine Muheto yabaye Nyampinga w’u Rwanda mu 2022, asimbuye Miss Rwanda 2021, Ingabire Grace.
