Home Blog Page 6

Umuraperi P Diddy bikomeje kumukomerana arashinjwa kusambanyiriza umukobwa w’imyaka 13 mu birori bya MTV Music Awards

0

Umuraperi Sean ‘Diddy’ Combs wamenyekanye nka P Diddy, ukomeje gushinjwa ibyaha bitandukanye, kuri ubu mu byo ashinjwa hiyongereyeho icyo gusambanya umukobwa w’imyaka 13, mu birori bya ‘After Party’ bya MTV Video Music Awards.

Diddy yashinjwe gusambanya uyu mugore wari umwana w’umukobwa w’imyaka 13 y’amavuko icyo gihe asambanywa mu birori bya ‘After Party’ bya MTV VMAs; ari kumwe n’ibindi byamamare bibiri mu Mujyi wa New York mu 2000, nk’uko ikirego gishya kigaragazwa.

Uyu mugore w’imyaka 37 avuga ko yajyanwe n’inshuti ye kuri Radio City Music Hall mu Mujyi wa New York aho yari yitabiriye ibirori bya ‘MTV’s Video Music Awards’; ngo icyo gihe nta tike yo kwinjira yari afite aguma hanze ubwo ibyo birori byabaga ariko ashaka kujya muri kimwe mu birori bya ‘Afterparty’.

Nibwo yahuye n’uwari umushoferi wa Diddy. Ngo icyo gihe, uyu mushoferi yamugiriye inama yo kujya mu birori Diddy yari kwitabira, ndetse amuha ubutumire muri ibi birori by’uyu muhanzi ngo byabereye mu nzu nini y’umweru.

Ubwo yinjiraga muri iyi nzu avuga ko yahatiwe gusinya amasezerano agomba kudashyirwa hanze[non-disclosure agreement] ndetse arebye abona muri ibi birori harimo ibyamamare yari azi.

Avuga ko abari bashinzwe gutanga ibyo kunywa babitanze kuri buri wese, ndetse abona benshi mu bari muri ibi birori banywa urumogi na Cocaine. Avuga ko we yanyweye icyo kunywa kimeze nk’aho kidasembuye ariko nyuma akaza kugubwa nabi.

Uyu mugore avuga ko yagiye mu buriri, Diddy n’abandi bantu babiri bakinjira aho yari aryamye. Ngo aba bantu bari kumwe na P.Diddy ni umugabo w’icyamamare n’umugore nawe utatangajwe.

Uyu mugore avuga ko uwo mugabo yamukuyemo imyambaro akamusambanya mu gihe uwo mugore yareberaga. Diddy nawe avugwaho kuba yarasambanyije uyu mugore abo bose bari kumwe nawe bareba. Uyu mugore ariko avuga ko ku bw’amahirwe yaje gucika akabona abantu bamufasha kuva muri ako gace.

Uyu ni uwa gatanu ushinje P.Diddy mu minsi ibiri ishize. Abaheruka bane bashinje uyu mugabo barimo uwamushinje ko yamuhohoteye mu 2022 ndetse hari n’uwo mu 2014. Muri abo kandi harimo n’umuraperi w’umugore wavuze ko yamufashe ku ngufu mu gihe atigeze atangaza.

Abunganira Diddy bahakanye bivuye inyuma ibi birego bishya, bavuga ko ubutabera aribwo buzagaragaza ko atigeze ahohotera umugore n’umwe, umugabo cyangwa se ngo asambanye utarageza imyaka y’ubukure.

Diddy w’imyaka 54 yatawe muri yombi ku mugoroba ku wa 16 Nzeri 2024, i Manhattan mu Mujyi wa New York.

Ashinjwa ibyaha bitatu birimo gukoresha izina rye cyangwa igitinyiro agashora abantu mu busambanyi nyuma yo kubatera ubwoba, gusahura no gucuruza abantu mu bikorwa by’ubusambanyi.

Uyu muraperi ashobora guhanishwa igifungo cy’imyaka 15 cyangwa igifungo cya burundu aramutse ahamwe n’ibi byaha.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

Kevin Kade ari kubarizwa muri Tanzania aho yagiye kwimenyekanisha ngo bamukunde nkuko bakunda Diamond Platnumz

0

Kuva ku wa 20 Ukwakira 2024, Kevin Kade ari kubarizwa muri Tanzania mu bikorwa byo kumenyekanisha umuziki we mu bitangazamakuru bitandukanye ndetse no kubyutsa imishinga y’abahanzi bari baremeranyije gukorana indirimbo.

Kevin Kade yemeza ko mu byamujyanye muri Tanzania harimo kumenyekanisha ibihangano bye mu bitangazamakuru bitandukanye no kurangiza imishinga y’indirimbo ateganya gukorana n’abahanzi baho cyane ko amaze iminsi aca amarenga ko hari abo bavuganye.

Ku ikubitiro akaba yanahise atumirwa mu kiganiro ‘Double X’ gitambuka kuri Clouds FM.

Ati “Ubu njye akazi katangiye, ndi muri Tanzania mu kumenyekanisha ibihangano byanjye nk’umuhanzi utekereza kwagura imbibi z’ibyo nkora ariko ndi no kureba uko narangiza imishinga y’indirimbo mfitanye na bamwe mu bahanzi ba hano.”

Kevin Kade yavuze ibi mu gihe ku rundi ruhande hari amakuru avuga ko yasanze Element muri Tanzania kuko uyu ariwe usanzwe amukorera, akifuza ko ariwe wazamufasha mu mishinga y’indirimbo ateganya gukorana n’abahanzi bo muri iki gihugu.

Kevin Kade ni umwe mu bahanzi bahagaze bwuma mu Rwanda by’umwihariko indirimbo ye Sikosa yakoranye na Element ndetse na The Ben iri mu zimaze igihe zihagaze neza no mu Karere.

Byitezwe ko Kevin Kade azava muri Tanzania yerekeza muri Uganda no mu Mujyi wa Dubai aho afite ibitaramo mu matariki atandukanye.

Kevin Kade ari kubarizwa muri Tanzania
NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

MC Monday waririmbye inyoni yaridunze yagarutse mu muziki nyuma y’imyaka 10 awuhagaritse

0

MC Monday wari umaze imyaka 10 ateye umugongo uruganda rw’imyidagaduro mu Rwanda, yamaze gusohora indirimbo nshya ndetse ahamya yongeye gusubukura ibikorwa bya muzika.

Ibi MC Monday yabigarutseho mu kiganiro cyihariye yahaye IGIHE ubwo yahamyaga ko yari yararetse umuziki kuko yabonaga bitameze neza ndetse ko agarutse kuko abona hari ibyamaze guhinduka.

Indirimbo nshya ya MC Monday yayise ‘The Guiding Light’ aho yavuze ko igitekerezo cyayo yagikuye ku buryo ibinyamakuru mpuzamahanga byavugaga inkuru z’u Rwanda cyane cyane mu bihe by’amatora.

Ati “Naricaye ndeba amakuru ari gutambuka mu binyamakuru bikomeye, bavuga nabi u Rwanda bagaragaza ko amatora yacu atabaye mu mucyo. Nk’umuhanzi wari uhari, nahise ngira igitekerezo cyo gukora indirimbo iri mu rurimi bumva, nanjye mbabwira ukuri guhabanye n’ibyo bavugaga.”

MC Monday ahamya ko ubu yongeye kugaruka mu muziki ndetse amaze iminsi akora kuri album ye nshya ateganya gusohora mu minsi iri imbere.

Mu 2014 nibwo MC Monday yatangaje ko asezeye ibijyanye n’umuziki, icyo gihe akaba yaravugaga ko abitewe n’impamvu ze bwite.

MC Monday waririmbye “Inyoni yaridunze”, “Gitanu”, “Oh Rayon” n’izindi, yahagaritse umuziki yari amaze gufungura sosiyete yise C4D inafite inzu itunganya umuziki. Kubera iyi mpamvu, akaba yaravugaga ko hari igice cyayo cyahise gifunga.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

Bamporiki Edouard yakoze mu nganzo, ashimira umukuru w’igihugu wamuhaye imbabazi.

0

Bamporiki Edouard wahoze ari Umunyamabanga wa Leta muri Minisiteri y’Urubyiruko n’Umuco, yongeye gukora mu nganzo, ashimira umukuru w’igihugu wamuhaye imbabazi.

Ni magambo ajimije yise ‘Isengesho’ aho aba ashima umukuru w’Igihugu wamugiriye imbabazi akongera akisanga muri sosiyete nyarwanda ndetse anasaba Imana gukomeza kumurinda.

Muri iryo sengesho, Bamporiki Edouard yagize ati “Ndashima Umwami Mwimitsi waturabutswemo ibikomere bikomeye akadutoranyiriza Umwami Mwimyi akamutongera kuba nyiri cyomoro, nawe akadukundira akatwomora. Atwomora twakosheje, atwomora twasitaye, atwomora twasitajwe, atwomora twokomerekeranyije, atwomora twiteze imitego, akanatwomora twatezwe imitego, shimirwa Mwami Mwimyi, muri wowe tubasha kubona ububasha bw’Umwami Mwimitsi.”

Bamporiki avuga ko asaba Imana ngo ikomeze imurindire Umukuru w’Igihugu .

Yakomeje agira ati “Mwami Mwimitsi ujye uturindira Mwami Mwimyi. Nakomereka umwomore kuko ubwungo n’icyomoro wamuhaye nibyo atwomoza igihe acyeneye icyomoro n’ubwungo bye nkawe, ujye umuha ibyo mu bubiko bwawe Mwami Mwimitsi, ibyo wageneye abami Bimyi nkawe ujye ubimuhana umwete kuko kugwiza ubugiri n’ubugingo kwe niko kuramuka no kuramba kwacu umu.”

Muri iri sengesho, Bamporiki yakomeje asaba Imana mu bihe biri imbere kuzakomeza guha u Rwanda abayobozi beza bameze mka Perezida wa Repubulika.

Ati “Ubwo u Rwanda uruhaye kwanda n’ejo haje, uzahore utwimikira abameze uku kwe, abateye uku kwe, abatoza uku kwe, abakotana uku kwe, abimana ababo uku kwe, abagwizambabazi uku kwe, abaha u Rwanda kwandana ibigwi uku kwe, abataramana u Rwanda uku kwe bizaduha kukunambaho nk’abagaragu batagira icyo bashinja sebuja wa sebuja umu. U Rwanda ni rweme.”

Bamporiki Edouard ku wa 23 Mutarama 2023 nibwo Urukiko Rukuru rwongereye ibihano yari yarahawe by’imyaka ine, rutegeka ko afungwa imyaka itanu, akanatanga n’ihazabu ya miliyoni 30 Frw.

Icyo gihe Bamporiki yahamijwe ibyaha birimo kwihesha ikintu cy’undi hakoreshejwe uburiganya no gukoresha mu nyungu ze bwite ububasha ahabwa n’itegeko.

Bamporiki yarezwe kwaka umucuruzi Gatera Norbert miliyoni 5 ngo azamufashe kumufunguriza uruganda rwe rwari rwafunzwe n’umujyi wa Kigali.

Yarezwe kandi kwakira milioni 10 zivuye kuri uwo mucuruzi ngo kuko yamufashije kumufunguriza umugore wari ufungiye icyaha cya ruswa.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

RIB yavuzeko FATAKUMAVUTA yatawe muri yombi nyuma yuko ahamagajwe inshuro nyinshi akagirwa inama kubera imvugo zidakwiye yakoreshaga ku mbuga nkoranyambaga, ariko akinangira.

0

Urwego rw’Igihugu rw’Ubugenzacyaha (RIB) ruvuga ko ifatwa ry’umunyamakuru Sengabo Jean Bosco uzwi nka Fatakumavuta, ryakozwe nyuma yuko ahamagajwe inshuro nyinshi akagirwa inama kubera imvugo zidakwiye yakoreshaga ku mbuga nkoranyambaga, ariko akinangira.

Fatakumavuta yatawe muri yombi nyuma y’igihe kinini na we ubwe akunze kuvuga ko yagiye ahamagazwa n’Urwego rw’Igihugu rw’Ubugenzacyaha, rukamugira inama.

Uyu munyamakuru wanagaragaye mu kiganiro rimwe, avuga ko atazongera kwitaba RIB ngo agiye kwisobanuro ku byo azaba yatangaje ku bahanzi, ubu acumibikiwe n’uru rwego rw’Ubugenzacyaha.

Fatakumavuta akurikiranyweho ibyaha bitandukanye birimo icyo kubuza undi amahwemo hifashishijwe imbuga nkoranyambaga, n’icyo gukoresha imvugo ziremereye zikurura amacakubiri mu bantu.

Umuvugizi w’ Urwego rw’Igihugu rw’Ubugenzacyaha RIB, Dr Murangira B. Thierry yavuze ko uyu mugabo yatawe muri yombi nyuma y’igihe yarabanje kugirwa inama zo guhagarika ibikorwa bigize ibyaha yari akomeje kwijandikamo.

Ati “Mu by’ukuri yakoreshaga imvugo ubona zidakwiriye umuntu ukoresha imbuga nkoranyambaga […] Afashwe nyuma y’igihe kirekire yarihanangirijwe, yaragiriwe inama, yarigishijwe ariko ahitamo kwinangira.”

Umuvugizi wa RIB, yakomeje agira ati “Ikigomba gukurikizwa rero nta kindi uretse kuba amategeko agomba gukurikizwa.”

Uyu mugabo atawe muri yombi nyuma y’igihe mu ruganda rw’imyidagaduro mu Rwanda humvikana ibisa n’amatiku no guterana amagambo, byanatumye RIB ibyinjiramo, inaburira abari muri uru ruganda kwitwararika.

Dr Murangira avuga ko abantu bari muri uru ruganda, badakwiye kumva ko bari mu Isi yabo, kuko na bo amategeko abareba.

Ati “Kuba mu myidagaduro ntabwo bivuze kutubahiriza amategeko, ntabwo ari ikirwa kigenga, na bo bagomba gukurikiza amategeko. Ntabwo abo mu myidagaduro bafite ubudahangarwa butuma batakurikiranwa mu gihe bishe amategeko.”

Yavuze kandi ko abakoresha imbuga nkoranyambaga, harimo amahirwe yo kuba zatuma babasha kwiteza imbere, ariko ko harimo n’abazikoresha nabi, bityo ko abayobye bo bakwiye kugaruka kugira ngo amategeko adakomeza kubareba ijisho ryayo.

umunyamakuru Sengabo Jean Bosco uzwi nka Fatakumavuta
NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

MISS NISHIMWE NAOMIE AHEREKEJWE N’INSHUTI ZE YAKOREYE IBIRORI BYA ‘BRIDAL SHOWER’ MU MUJYI WA DUBAI.

0

Ibirori byitabiriwe n’inshuti n’abavandimwe, byabaye tariki 29 Nzeri 2024 bamufasha gusezera kubukumi ababyeyi bamugira inama zuko azitwara murugo rushya agiye kubaka.

Miss Nishimwe Naomie witegura kurushinga mu minsi iri imbere, ku wa 29 Nzeri 202, yakoreye mu Mujyi wa Dubai ibirori bya ‘Bridal Shower’.

Ibi birori byo gusezera ku rungano byabereye mu gace ka ‘Dubai Marina’, byitabiriwe n’abavandimwe ba Nishimwe n’inshuti zabo zari zabaherekeje.

Mu minsi ishize nibwo Nishimwe yatunguranye atangaza ko azakora ubukwe n’umukunzi we Michael Tesfay ku wa 29 Ukuboza 2024.

Miss Nishimwe Naomie witegura kurushinga mu minsi iri imbere

Itariki y’ubukwe bw’uyu mukobwa n’umukunzi we yayitangaje nyuma y’uko muri Mutarama 2024 yambitswe impeta n’urukundo.

Inkuru y’urukundo rw’aba bombi yatangiye kumvikana mu itangazamakuru kuva muri Mata 2022.

Kuva icyo gihe yaba Nishimwe na Michael Tesfay bahorana agatoki ku kandi mu ngendo zitandukanye no mu bikorwa bakora mu Rwanda no hanze yarwo.

Michael Tesfay witegura kurushinga na Nishimwe, ni umusore ufite Masters mu bijyanye n’ubuvuzi. Yize muri Kaminuza ya Edinburgh mu Bwongereza ariko muri iki gihe asigaye aba mu Rwanda.

 

View this post on Instagram

 

A post shared by IBYAMAMARE (@ibyamamaretv)

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

Ingabo za Israel zinjiye muri studio za Televiziyo ya Al Jazeera , zitegeka ko ifunga ibikorwa byayo muri Palestine

0

Ingabo za Israel zinjiye muri studio za Televiziyo y’abanya-Qatar, Al Jazeera mu gace ka West Bank muri Palestine, zitegeka ko ifunga ibikorwa byayo iminsi 45.

Abasirikare binjiye muri studio bari bambariye urugamba.

Umwe mu basirikare ba Israel yabwiye umuyobozi w’ibiro bya Al Jazeera muri West Bank, Walid al-Omari ko “hari icyemezo cy’urukiko cyategetse ko Al Jazeera ifungwa iminsi 45. Ndabasaba gufata cameras zose mukava muri ibi biro.”

Walid al-Omari yatangaje ko impamvu babategetse gufunga ibikorwa ari uko babashinja kugumura rubanda no gushyigikira iterabwoba.

Jivara Budeiri ukorera Al Jazeera yatangaje ko izi ngabo zakoresheje imyotsi iryana mu maso, ndetse zinafatira cameras zabo, ariko nyuma y’icyo gitero imodoka z’igisirirakare cya Israel zahise ziva muri Ramallah.

Guverinoma ya Israel yahagaritse Al Jazeera gukora iminsi 45 muri Gicurasi 2024 nyuma yo kuyishinja gushyigikira abarwanyi b’umutwe wa Hamas wo muri Palestine, ariko n’ubu ntiyemerewe gukora.

Urukiko rw’i Tel Aviv rwahamije ko abanyamakuru ba Al Jazeera bagaragaye bakora nk’abunganizi n’abafatanyabikorwa ba Hamas.

Icyo gihe Al Jazeera yahakanye ibyo birego, igaragaza ko ari imwe mu nzira za Israel zo kuniga ubwisanzure bw’itangazamakuru ngo ihishire ibikorwa binyuranye n’amategeko mpuzamahanga ikorera muri Gaza.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

Nyuma ya R-Kelly, umuraperi P-Diddy nawe ubuzima asigaje agiye kubumara muri Gereza, indirimbo ze zatangiye gusibwa ahantu hose

0

Indirimbo nyinshi z’umuraperi Sean ’Diddy’ Combs wamamaye mu ruganda rw’umuziki nka P. Diddy, ziri gukomanyirizwa ubutitsa kuri radiyo zikomeye muri icyo gihugu.

TMZ yatangaje ko yavuganye n’ubuyobozi bwa radiyo nyinshi zikomeye muri Amerika, ikabwirwa ko indirimbo z’uyu muhanzi zamaze guhagarikwa cyane nyuma y’amashusho y’uyu muhanzi yagiye hanze muri Gicurasi ari gukubita Cassie bahoze bakundana.

Iki kinyamakuru kivuga ko amakuru cyakuye mu bantu ba hafi ba radio nka Audacy, bavuga ko indirimbo z’uyu muhanzi n’ibindi bikorwa bimuvuga imyato byatangiye guhagarikwa kuri iyi radiyo mu mpera za Gicurasi no mu ntangiro za Kamena, ubwo hajyaga hanze amashusho ye akubita Cassie.

Amakuru avuga ko ibindi bitangazamakuru bya Audacy byahagaritse gucuranga ibihangano bye burundu, ubwo yafungwaga mu ntangiro z’iki cyumweru.

Umuvugizi wa iHeartRadio we yatangaje ko bagiye bahagarika gucuranga imiziki ya Diddy mu bihe bitandukanye bitewe n’ishami ry’iki gitangazamakuru.

Avuga ko nk’ishami ryabo ricuranga imiziki ya Hip Hop rya Jam’n94.5 riherereye mu Mujyi wa Boston ryahagaritse kumucuranga umwaka ushize ubwo Cassie Ventura yahishuraga ihohoterwa yamukoreye bakundana.

Ni mu gihe 99.1 KGGI yo yahagaritse gucuranga indirimbo z’uyu muhanzi ubwo hajyaga hanze amashusho akubita uyu wari umukunzi we.

Radiyo 93.5 KDAY, yo yabwiye TMZ ko itagicuranga indirimbo z’uyu muhanzi n’ubwo itavuga igihe yabitangiriye.

N’izindi radiyo nyinshi zafashe umwanzuro nk’uw’izi, zireka gucuranga ibihangano by’uyu muhanzi, igisigaye cyibazwa ni uburyo imbuga zicururizwaho imiziki zirabyitwaramo, bamwe bibazo niba nazo zahitamo gusiba indirimbo z’uyu muhanzi nk’uko byagendekeye R. Kelly.

Diddy yafunzwe ku wa Mbere w’iki Cyumweru tariki 16 Nzeri. Amashusho yashyizwe hanze na TMZ amugaragaza ari kumwe n’inshuti ze binjira muri Park Hyatt hotel i New York, abashinzwe umutekano bakamutandukanya nazo mu buryo butunguranye ndetse akambikwa amapingu ari nabwo ahita ajyanwa mu buroko.

P. Diddy w’imyaka 54 afungiwe muri Metropolitan Detention Center i Brooklyn, muri New York, ndetse yashyizwe ku rutonde rw’imfungwa zigomba gucungirwa hafi mu gihe agifunze by’agateganyo ngo ataziyamburira ubuzima muri gereza n’ubwo abamwunganira bavuga ko nta kibazo afite cyatuma abikora.

Uyu muhanzi ashinjwa ibyaha bitatu birimo gukoresha izina rye cyangwa igitinyiro agashora abantu mu busambanyi nyuma yo kubatera ubwoba, gusahura no gucuruza abantu mu bikorwa by’ubusambanyi.

Ubwo aheruka mu rukiko yashakaga gutanga ingwate ya miliyoni 50$ akaburanira hanze ariko ntibyakunda, urukiko rumubera ibamba. Ntabwo igihe azasubirira imbere y’urukiko kiramenyekana.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

Padiri Jean Francois Uwimana, uzwi mu njyana ya hip hop mu Rwanda, yakiriwe bidasanzwe aturutse iburayi.

0

Padiri Jean-François Uwimana,ni umwe mubapadiri bamaze kwamamara mu Rwanda kubera kuririmba injyana ya hip hop itamenyerewe cyane mubabwiriza ijambo ry’Imana mu Rwanda.

Padiri Uwimana yageze mu Rwanda avuye ku mugabane w’iburayi mugihugu cy’Ubudage aho yari yaragiye kwiga.

Padiri Jean-François Uwimana amaze imyaka irenga 12 aripadiri abarizwa muri Diyosezi Gatolika ya Nyundo, mu burengerazuba bw’u Rwanda, yakoze ibyo benshi babona nk’agashya ndetse byatumye yigwizaho abakunzi benshi biganjemo urubyiruko rukunda ubutumwa atambutsa mubihangano bye yifashishije injyana ikunzwe n’abajene.

Ubwo yageraga ku kibuga cy’indege mpuzamahanga cya Kigali, i Kanombe, Padiri Jean Francois Uwimana yakiriwe bidasanzwe ndetse agirana ikiganiro n’abanyamakuru bari baje kumwakira.

Padiri Jean Francois yavuzeko yishimiye kongera kugaruka mu Rwanda avugako aje mu biruhuko ariko aje kurangiza imwe mu mishinga y’indirimbo afite yavuye mu Rwanda adasoje.

Yagize “Nishimiye kongera kugaruka mu Rwanda, nje mubiruhuko ariko ntabwo ari ibiruhuko gusa ngomba no kurangiza imishinga y’indirimbo navuye mu Rwanda ntasoje”

Padiri Jean François yasabye abanyarwanda byumwihariko abakunzi b’umuziki gukomeza kumushyigikira bakumva ibihangano bye, ahamyako yaje mubiruhuko nibisoza azasubira mu Budage agakomeza gahunda ye y’amasomo no gukora umurimo w’ivugabutumwa.

Padiri Uwimana yageze mu Rwanda avuye ku mugabane w’iburayi mugihugu cy’Ubudage aho yari yaragiye kwiga.

Padiri Jean François Uwimana umaze igihe mu Budage ku mpamvu z’amasomo, akunzwe mu ndirimbo zirimo “Araturinda”, “Yaratsinze”, “Loved you”, “Nyirigira”, “Twigendere”, “Ni Yezu”, “Kana k’iwacu” n’izindi…

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748

Umunyarwandakazi umaze iminsi avugisha benshi kubera amashusho yambaye ubusa arashaka gukorana na Israel Mbonyi byaba ngomba akamubera umukunzi

0

Nyuma y’iminsi ku mbuga nkoranyambaga hasakazwa amashusho y’urukozasoni ya Gloria Bugie, Umunyarwandakazi uri mu bahanzi bari kuzamuka neza muri Uganda, yatangajeko ashaka gukorana indirimbo na Israel Mbonyi byaba ngombwa bakaba bajya no murukundo.

Gloria yavuzeko ashaka kureka kuririmba indirimbo z’isi agatangira kuririmba indirimbo zerekeza abantu ku marembo y’ijuru.

Mukiganiro yagiranye na The Cat umu bloger uzwi kumbugankoranyambaga, uyu mukobwa yumvikanye avugako mu bahanzi agomba gukorana nabo uwambere ari Israel Mbonyi ati “Israel Ndamukunda anyemereye twajya no murukundo niba ntamukunzi afite”

Hasabwe ko Gloria Bugie akorwaho iperereza nyuma y’uko hagiye hanze amashusho ye ari mu cyumba yambaye ubusa buri buri.

 

View this post on Instagram

 

A post shared by IBYAMAMARE (@ibyamamaretv)


Uyu mukobwa ubusanzwe ukomoka mu Rwanda amaze iminsi ari gukorera umuziki we muri Uganda, aho kuri ubu akunzwe bikomeye mu ndirimbo nka Nyash, Tukilimu, Sagala yakoranye na A Pass n’izindi zinyuranye.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
ISUKU ICARA HEZA, DUSUKURA INZU YAWE IGASA NEZA, TWOZA INTEBE, AMAKARO, AMATAPI , Duhamagare cg utwandikire Tel : 0789348058 cg 0784343748
1...567...21Page 6 of 21

EVEN MORE NEWS

POPULAR CATEGORY

© Copyright 2024 | IBYAMAMARE Media Group Ltd | All Rights Reserved