Home Blog Page 2

Abakinnyi ba filime Kecapu na Bamenya, begukanye imodoka muri Mashariki Film Festival

0

Mukayizeri Djalia wamenyekanye nka Kecapu na Benimana Ramadhan wamamaye nka Bamenya, begukanye imodoka muri Mashariki Film Festival iri kuba ku nshuro ya 11.

Kecapu yahigitse bagenzi be ku majwi 70.208 akurikirwa na Uwamahoro Antoinette wamamaye nka Intare y’ingore wagize amajwi 32.317. Mu bagabo Bamenya yabaye uwa mbere ku majwi 80.748 mu gihe Aime Valens Tuyisenge (Boss Rukundo) afite 14.320.

Amajwi y’abagore ni 126.948 ahwanye na 25.389.600 Frw, mu gihe abagabo uhiga abandi afite 120.432 ahwanya na 24.086.400 Frw. Amajwi yose hamwe ahwanye na 247.380 angana na 49.476.000 Frw.

Abatsinze uko ari babiri bagiye guhabwa imodoka ebyiri zo mu bwoko bwa Hyundai Sonata. Buri imwe ifite agaciro ka miliyoni 13 Frw bivuze ko zose zihagaze miliyoni 26 Frw.

Mashariki Film Festival yatangiye ku wa 22 Ugushyingo, irasozwa kuri uyu wa 29 Ugushyingo 2025 muri Serena Hotel.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

Britney Spears Ati: ‘Agahinda n’Umwijima Nibyo Bituma Tumenya Icyerekezo

0

Umuhanzikazi w’icyamamare Britney Spears yongeye gutuma benshi bamwibazaho, nyuma yo gushyira kuri Instagram ubutumwa bwerekana ko ashobora kuba ari guca mu bihe bitamworoheye.

Uyu mugore wamamaye mu ndirimbo zirimo iyo yise “Toxic” yashyize hanze amashusho amugaragaza abyina yambaye bikini n’inkweto ndende z’umukara.

Arangije ati “Ntabwo ndabona ikanzu y’ibirori y’uyu mwaka… Kuzirikana ibyabaye ni byiza ku mutima. Rimwe na rimwe, mu bihe bikomeye, hagaragaramo ibyiza bituma twiga.”

Spears w’imyaka 43 yavuze ko yagiye abona amasomo akomoye ku bihe bimwe na bimwe yanyuzemo mu buzima bwe, agaragaza ko hari igihe biba ngombwa ko agace kaba kari mu muntu k’ubwana kigaragaza.

Ati “Nize ko ubusanzwe ubutumwa buvuye ku mutima, burimo amarangamutima, bubasha kutuvugira byinshi! Ushobora kubwita ubwana, ubupfapfa, cyangwa ubusharire… Turakura tukaba abagore, ariko ese waba wumva wemera gukomeza kurinda agace k’umutima ko kwitonderwa koroheje kandi ukakareka kakigaragaza… Umwana uri muri twe agomba kuvuga mu bihe biriho uburemere n’ububabare.”

Yakomeje avuga ko yagiye agira agahinda n’umwijima mu buzima bwe, ariko nabyo bikaba kubera impamvu zitandukanye.

Ati “Agahinda n’umwijima bibaho kugira ngo bidufashe gusobanukirwa kubura umuntu, kubabara n’agahinda… Rimwe na rimwe mu mibabaro, mu bibi n’igitambo, ibintu bidakunze kubaho byiza kandi byiza cyane bishobora kuvuka kandi bisangiwe bigahumuriza undi muntu ku buryo yumva ko atari wenyine… ariko kandi, umugore uri muri njye azaharanira ko mbona aho njya n’icyerekezo cyanjye.”

Mu gusoza ubutumwa bwe, yahise asubira ku by’ibiryo byo ku munsi wa ‘Thanksgiving’ wizihizwa muri Amerika, avuga ko yariye cyane ku buryo ubu atifuza kongera no kureba ibiryo.

Nyuma y’aya mashusho Spears hari hashize ibyumweru bibiri abonywe avuye mu kabari ka divayi afite ikirahuri cya champagne mu ntoki, mbere yo kwinjira mu modoka akagenda yihuta. Icyo gihe, itsinda rimufasha ryabwiye Daily Mail ko atari yanyoye inzoga, nubwo amafoto yakwirakwiye cyane kuri internet.

Nyuma y’aho, Spears yibasiriye paparazzi abashinja gufata amafoto “mabi cyane” kandi ko ahora bahora bamuhiga aho ageze hose, bituma yumva ahungabanyijwe.

Muri Nzeri 2025 Page Six yagiye hanze avuga ko abari hafi ya Spears bakomeje kugira impungenge z’ubuzima bwe bwo mu mutwe n’imibereho ye muri rusange, kuko ngo yanze gufashwa. Amakuru agaragaza ko “nta nshuti magara” akigira, uretse abakozi n’abantu bamurinda.

Hari n’abavuze ko inzu asigaye abamo iteye inkeke, ngo yuzuyemo umwanda w’imbwa kandi nta muntu uhora ayitunganya.

Britney Spears yabohowe ku mugaragaro mu 2021 ubwo yongeraga kwigenga akava mu maboko yo gufatirwa imyanzuro iyo ariyo yose na se. Uyu mugore yari amaze mu byitwa mu cyongereza ‘Conservatorship’ mu gihe cy’imyaka 13.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

Moctar Yanditse Amateka: Yatsindiye Secret Story Afrique, France Mpundu Aza mu Bakomeye

0

Moctar wari uhagarariye Niger yabaye uwa mbere muri ‘Secret Story Afrique’ yegukana iri rushanwa ryabaga ku nshuro ya kabiri, ni mu gihe France Mpundu wari uhagarariye u Rwanda akaba anaherutse kwambikwa impeta n’uyu musore we yabaye uwa kane.

Uyu musore yabaye uwa mbere n’amajwi 46%, mu gihe uwitwa Moussa yabaye uwa kabiri n’amajwi 34.4%, Sarah yabaye uwa gatatu n’amajwi 18.8% na ho France Mpundu aba uwa kane n’amajwi 0.8%, Joel we agira amajwi 0.4%.

Kwegukana iri rushanwa byahise byinjiriza Moctar arenga miliyoni 20 z’ama CFA (miliyoni 50Frw).

Ni ku nshuro ya kabiri iki kiganiro kibereye muri Afurika, kuko umwaka ushize ari bwo cyatangiye ndetse gihita cyegukanwa na Awa Sanoko wo muri Côte d’Ivoire.

Muri uyu mwaka, Secret Story Afrique yitabiriwe n’abagera kuri 18 baturutse mu bihugu 16 binyuranye byo muri Afurika bikoresha Igifaransa.

Ubusanzwe abatazi iki kiganiro nubwo nta wavuga ko igitekerezo cyacyo cyavuye ku cyitwaga ‘Big Brother’, ariko hari byinshi bihuje birimo no kuba gitunganywa na sosiyete ‘Banijay Entertainment S.A’ kigakorerwa mu nyubako cyaberagamo mu Mujyi wa Johannesburg.

Iki kiganiro kimara amezi atatu, gihuza abatoranyijwe mu bihugu bikoresha Igifaransa, bagashyirwa hirya y’Isi isanzwe nta televiziyo cyangwa telefone bakoresha, bagahurizwa mu nzu yuzuyemo ibyuma bifata amajwi n’amashusho.

Abahatana baba bafite ibanga bagomba kuryamaho bakarihisha abo bahanganye ariko bagahangana no kuvumbura irya bagenzi babo bahatanye.

Cyatambukaga kuri CANAL+ POP kuva ku wa mbere kugeza ku wa Gatanu guhera Saa 20h15 naho ku wa Gatandatu kigatambuka kuri CANAL+ Magic guhera Saa 22h30.

Ni ikiganiro cyakomotse ku gikunzwe cyane mu Bufaransa kimaze imyaka igera kuri 18 gitambuka kuri shene za televiziyo nka TF1 na RTL Plug.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

ForteBet Ads Week49

0

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

Mu Rwanda hatangiwe ibihembo ku bahize abandi mu gusiganwa ku magare muri Afurika

0

Perezida w’Impuzamashyirahamwe y’Umukino w’Amagare muri Afurika (CAC), Dr. Yao Allah-Kouamé, yashimangiye ko umwaka wa 2025 wabaye udasanzwe kuri Afurika kuko u Rwanda rwawakiriyemo Shampiyona y’Isi y’Amagare .

Ibi yabigarutseho mu birori byo gutanga ibihembo ku bahize abandi mu mukino wo gusiganwa ku magare ku mugabane wa Afurika ( Africa Cycling Excellence Award ) muri uyu mwaka wa 2025.

Ni ibirori byabereye i Kigali mu nyubako ya Zaria Court kuri uyu wa gatandatu tariki ya 29 Ugushyingo 2025, ku nshuro ya mbere bibereye mu Rwanda.

Dr. Yao yagaragaje ko u Rwanda ari urugero rwiza rw’uko Afurika ishoboye, ashimira Perezida Kagame ku ruhare yagize mu kubigaragaza ubwo u Rwanda rwakiraga Shampiyona y’Isi y’Amagare.

Ati “Byari ibirori bihambaye, byashimangiye ibyo Afurika ishoboye iyo umuyobozi ufite intego ashyize ku isonga abaturage be. Ndashimira Perezida Kagame kandi mubwira ko yatumye twishimira kuba Abanyafurika.”

Nyuma y’iyi Shampiyona y’Isi y’Umukino wo gusiganwa ku magare u Rwanda rwakiriye, bwa mbere rwanakiriye Ibirori byo gutanga Ibihembo ku bakinnyi bahize abandi ku mugabane Wa Afurika, bibaye bwa mbere biteguwe n’Impuzamashyirahamwe y’Umukino w’Amagare muri Afurika (CAC).

Uko ibihembo byatanzwe

Umunya Eritrea Biniam Girmay niwe wegukanye igihembo cy’umukinnyi mwiza muri Afurika mu bagabo, mu gihe mu bagore iki gihembo cyegukanywe na Le Court Kim, ukomoka mu birwa bya Mauritius

Ikipe yIgihugu ya Eritrea niyo yahembwe nk’iyahize ibindi bigugu muri Afurika muri uyu mukino, mu mwaka wa 2025.

Muri Afurika y’Iburasirazuba, Umunya Kenya Charles Kagimu niwe wahize abandi mu cyiciro cy’abagabo mu gihe mu bagore, Umurundikazi Odette Nsengiyumva ariwe wegukanye igihembo.

Ni mu gihe Vainqueur Masengesho na Xaverine Nirere bahembwe nk’abanyarwanda bahize abandi mu mukino wo gusiganwa ku magare muri uyu mwaka wa 2025.

Perezida w’Ishyirahamwe ry’Umukino w’Amagare mu Rwanda (FERWACY), Ndayishimiye Samson, yashimiye abatsinze, avuga ko ibi ibirori bigamije kwishimira iterambere ry’umukino w’amagare.

Ati “Iyo ibihugu bya Afurika bikoranye bigera kure. Abatoranyijwe n’abatsinze mwashimangiye ko iyo hari ikinyabupfura no gukorana, abakinnyi bo muri Afurika bagera ku ntsinzi ku rwego rwo hejuru.”

Ibi bihembo byari bibereye bwa mbere mu Rwanda, ni naho bizongera kubera mu mpera z’umwaka utaha wa 2026.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

Amatike yo kwinjira mu gitaramo Davido azakorera i Kigali, yashize ku isoko

0

Amatike yo kwinjira mu gitaramo Davido azakorera i Kigali, yashize ku isoko mu gihe habura iminsi mike ngo kibe.

Kwinjira muri iki gitaramo ni 15.000 Frw, 25.000 Frw, 30.000 Frw, 50.000 Frw n’ibihumbi 100 Frw, bitewe n’aho ushaka kwicara.

Aya matike yose yamaze gushira ku isoko. Habanje gushira amatike y’ibihumbi 15 Frw, ibihumbi 25 Frw ndetse n’ibihumbi 30 Frw, mu gihe ay’ibihumbi 50 Frw n’ibihumbi 100 Frw yo yashize ku mugoroba wo ku wa Gatandatu tariki 29 Ugushyingo 2025.

Iki gitaramo cya Davido uretse we, kizakirirwamo umuhanzi Kitoko Bibarwa uzaba atashye burundu mu Rwanda nyuma y’imyaka 12 yari amaze aba mu Bwongereza.

Iki gitaramo kizaba ku wa 5 Ukuboza 2025, muri BK Arena aho Davido azamurikira Abanyarwanda album aheruka gushyira hanze yise ‘5Ive’ mu birori byateguwe na Intore Entertainment ifatanyije na Skol Rwanda.

Abandi bahanzi barimo Riderman, Ariel Wayz, Juno Kizigenza, Logan Joe na Kid From Kigali [KFK]; nabo bazaririmba muri iki gitaramo gitegerejwe na benshi.

Davido azaza i Kigali mu gihe azaba avuye muri Côte d’Ivoire aho yakoreye igitaramo kuri uyu wa Gatandatu tariki 29 Ugushyingo 2025.

Album nshya ya Davido azamurikira i Kigali igizwe n’indirimbo 17, yasohotse ku wa 18 Mata 2025. Iriho indirimbo yakoranye n’abahanzi nka Chris Brown, Omah Lay, Shenseea, Musa Keys, Tay C, Dadju n’abandi.

Iyi album y’iminota 49:09, Davido yayikozeho mu gihe cy’imyaka hafi itatu dore ko yayitangiye mu 2023 nyuma yo gusohora iyitwa ‘Timeless’.

Davido yaherukaga kuririmbira mu Rwanda mu 2023 mu bitaramo bya Trace Awards & Festival n’icya Giants of Africa.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

Richard Nick Ngendahayo yakoze igitaramo cy’amateka muri BK Arena, nyuma y’imyaka myinsi ataba mu Rwanda

0

Richard Nick Ngendahayo ku mugoroba wo ku wa 29 Ugushyingo 2025, yakoze igitaramo cy’amateka muri BK Arena, nyuma y’imyaka myinsi ataba mu Rwanda .

Ngendahayo utifashishije abahanzi benshi nkuko bisanzwe bigenda, yamaze umwanya munini aririmba indirimbo zakoze ku mitima y’Abanyarwanda mu myaka ishize.

Igitaramo Niwe Healing Concert’ cyitabiriwe n’abantu batandukanye biganjemo urubyiruko , abakirisitu bakunze indirimbo ze mu myaka ishize , abayobozi mu nzego zitandukanye z’igihugu, ibyamamare mu ruganda rw’imyidagaduro ndetse n’abaririmbyi bagenzi be.

Ngendahayo yamenyekanye cyane mu Rwanda mu myaka ya 2005, nyuma aza kwimukira muri Leta Zunze Ubumwe za Amerika, ari naho atuye kugeza ubu.

Yageze mu Rwanda ku wa 3 Ugushyingo 2025 mu myiteguro y’iki gitaramo.

Mu ndirimbo ze zakunzwe cyane harimo “Mbwira ibyo ushaka”, “Ibuka”, “Gusimba Umwonga”, “Si Umuhemu”, “Yambaye Icyubahiro”, “Wemere ngushime”, “Ijwi rinyongorera”, “Unyitayeho”, “Sinzakwitesha” n’izindi.

Ngendahayo yavuze ko afitanye amateka n’uwo yise mushiki we, Pasteur Julienne Kabanda uri mu bamufashije gutegura igitaramo no kumushyigikira.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

DR. SIMPLE, Umwarimu uhuza, iyobokamana, umuziki n’uburezi(Amafoto)

0

Gakenke – Habineza Jean Paul uzwi nka Dr. Simple akomeje kwerekana umwihariko mu burezi binyuze mu guhuza ubuhanzi, Iyobokamana n’imyitwarire mu buryo butuma abanyeshuri bakunda ishuri kandi bagatsinda neza.

Mu gikorwa cyateguwe n’abasoreje amashuri yisumbuye muri G.S St. Joeseph Karuganda ishuri riherereye mu ntara y’amajyaruguru akarere ka Gakenke ‘Garukushime’ cyabaye kuwa 28 Ugushyingo 2025, Dr. Simple yagaragaye nk’umuyobozi w’ibirori, umuhanzi, n’umutoza w’indangagaciro zibumbatira ubumwe bw’abanyeshuri. Yafatanije na MC Kaboss mu gususurutsa ibirori byaranzwe n’imbyino, indirimbo, urwenya, imideri n’ibindi bikorwa byerekana impano z’abanyeshuri.

Mu buryo bwatunguranye kandi budasanzwe, imodoka yinjije umuceri mu kigo mu rwego muri gahunda la yeta yo kugaburira abanyeshuri (school feeding). Icyo gihe Dr. Simple yasabye abanyeshuri kwifatanya mu kuririmba indirimbo “Sure Deal”, indirimbo ishimira Nyakubahwa Perezida wa Repubulika ku bikorwa bigamije iterambere no guteza imbere imibereho y’abaturage.

Abanyeshuri barahagurutse, bararirimba, barabyina, kandi bishimira igihugu cyabo mu rukundo n’icyizere. Iyo ‘performance’ yabaye ishusho ikomeye y’uburyo uburezi, umuco wo gukunda igihugu no gushyigikira gahunda za Leta bishobora guhurizwa hamwe mu mashuri.

Abitabiriye bavuze ko uyu mwanya wa ‘Sure Deal’ wagaragaje ko Dr. Simple ari umwarimu uhuza ubuhanzi n’uburezi, bityo agafasha abana kumva ko ishuri ari isooko y’uburere n’uburezi bishingiye ku ndangagaciro.

G.S St Joseph Karuganda ikomeje kwerekana ko ari ishuri riharanira ireme ry’uburezi, ritoza abanyeshuri kwirema aho kwiremaza no kwiyubakira ubushobozi bwo kureba imbere. Impano z’abanyeshuri zagaragajwe mu birori zerekanye ko uburezi buhuza imyitwarire, ubuhanzi n’indangagaciro bushoboka kandi bubereye u Rwanda.

Dr. Simple uri mu basusurukije ibi birori yakomeje kugaragaza ko ubuhanzi n’uburezi bidatandukana, ahubwo bifatanya kubaka umuntu wuzuye.

Dr Simple Umurezi ufatanya umuziki n’ubwarimu

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

Umukobwa ukunzwe Uganda, Sheilah Gashumba Agiye Gutangira Umwuga wa DJ mu Rwanda

0

Umunyamakuru n’umunyamideli w’icyamamare muri Uganda, Sheilah Gashumba, ari kwagura inzira ye mu myidagaduro aho yitegura kumurika ku mugaragaro umwuga we mushya wo kuvanga imiziki mu Rwanda mu Ukuboza 2025.

Uyu munyabigwi ukunzwe cyane ku mbuga nkoranyambaga, uzajya ku rubyiniro yitwa “Lil Stunner”, yatangaje ko azakorera uruhererekane rw’ibitaramo i Kigali kuva ku wa 25 kugeza ku wa 30 Ukuboza, mu duce dutandukanye tw’umujyi.

Nubwo urutonde rw’ibitaramo byose uyu mukobwa azakorera mu Rwanda rutaratangazwa, amakuru yemeza ko Gashumba azagaragara mu gitaramo “Spinny and Friends – Kigali Edition” kizaba ku wa 27 Ukuboza, akazasoreza muri Nuvo, ndetse no mu bindi birori bitandukanye.

Sheilah Gashumba azwi cyane kuri televiziyo, kuri radiyo ndetse no ku mbuga nkoranyambaga kuva afite imyaka umunani, akaba amaze kuba umwe mu banyabigwi bakomeye mu myidagaduro yo mu karere.

Azwiho imyambarire igezweho, ubushobozi bwo kwamamaza ibicuruzwa, n’imyitwarire irimo ingufu mu kwiyamamaza mu birori bikomeye.

Yigaragaje mu birori no mu bikorwa byabereye muri Uganda, Kenya, Rwanda, Zambia, u Bwongereza, Canada na Turikiya, bikomeza kumushyira mu rwego rw’abanyabigwi bagaragara henshi kandi bakomeye mu myidagaduro.

Gashumba yatangiye kwiga kuvanga imiziki mu gihe cya Guma mu Rugo mu gihe cya COVID-19, aho yafashwaga na DJ Ediwizzy Selekta.

Mu 2024, yagiye gukarishya ubumenyi bwe muri RISE Academy yo muri Johannesburg, imwe mu mashuri azwi cyane ku mugabane wa Afurika mu gutanga amasomo ya DJ, nubwo yabikoraga ahuza n’akazi ke gasaba byinshi.

Mu gucuranga kwe yibanda ku njyana zirimo Amapiano, House, Afro-Soul fusion, n’injyana z’ubugande gakondo, byose abivanga mu buryo bunogeye amatwi. Gashumba yatangiye kuvanga imiziki mu ntangiro z’uyu mwaka.

Gashumba ni bwo bwa mbere azaba avangiye imiziki mu Rwanda, kuko mbere yajyaga aza nk’umushyushyarugamba.

Sheilah Gashumba azanakorera ibitaramo mu birori bizabera muri Atelier du Vin ndetse na La Noche.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.

AG Promoter na Micky Basezeranye mu Mategeko—Urukundo Rwabo Rutera Indi Ntabwe(Amafoto)

0

Nyuma y’uko AG Promoter yambitse impeta Micky bakiyemeza kurushinga nk’umugore n’umugabo, kuri ubu bamaze gutera indi ntambwe basezerana imbere y’amategeko kubana akaramata.

Ni umuhango wabereye ku biro by’Umurenge wa Nyarugenge nk’uko bigaragara mu butumwa butumira inshuti zabo, AG Promoter na Micky bazasezerana ku wa 27 Ugushyingo 2025.

Uyu muhango wo gusezerana imbere y’amategeko bibaye mu gihe AG Promoter yari aherutse kwambika impeta umukunzi we Micky ku wa 9 Ugushyingo 2025, mu birori byabereye na none i Rebero ari na ho bakirira abatashye ubukwe bwabo.

Ubwo yari amaze gutererwa ivi akambikwa impeta, Micky yavuze ko bakabaye barasezeranye imbere y’amategeko muri Kanama 2025, ariko bitewe n’uko yari atarabona indangamuntu bisaba ko babanza gutegereza.

AG Promoter uzwi nk’umuhanga mu gukoresha imbuga nkoranyambaga, yatangiye gukundana na Micky mu 2024, icyakora batangira badashaka kwerura urukundo rwabo gusa uko iminsi yagiye yisunika byarangiye barwemeje ndetse kuri ubu bari mu myiteguro y’ubukwe bwabo.

Urukundo rwa AG Promoter na Micky rwakunze kugarukwaho ku mbuga nkoranyambaga ndetse rurushaho gushyuha kuko batangiye gukundana nyuma y’uko uyu mukobwa atandukanye na Captain Regis na we uzwi muri sinema y’u Rwanda.

NIBA URI UMUHANZI, UMUCURUZI, UKENEYE KO TUGUKORERA INKURU YAMAMAZA IBIKORWA BYAWE TWANDIKIRE KURI TEL : 0788441488 TURAGUKORERA INKURU YAMAMAZA IBIKORWA BYAWE.
123...52Page 2 of 52

EVEN MORE NEWS

POPULAR CATEGORY

© Copyright 2024 | IBYAMAMARE Media Group Ltd | All Rights Reserved