Ikipe ya APR FC, yasoje irushanwa “Inkera y’Abahizi” nta gihembo ibonye n’ubwo ari yo yariteguye.
Ku Cyumweru, tariki ya 24 Kanama 2025, ni bwo hasojwe irushanwa “Inkera y’Abahizi” ryitabiriwe n’amakipe ane arimo iyariteguye, APR FC, AS Kigali, Police FC na Azam FC. Ni irushanwa ryari rigamije gufasha aya makipe yose kwitegura neza umwaka w’imikino 2025/2026.
Mu kurisoza, Police FC yaryegukanye nyuma yo gutsinda AS Kigali kuri penaliti 5-3 nyuma yo kunganya o-o mu minota 90 y’umukino, ni yo yaryegukanye mu gihe ikipe y’Ingabo yarisoje itsinzwe imikino yose uko ari itatu.
Azam FC na AS Kigali, na zo zarisoje zifite amanota atandatu. Ikipe y’Igipolisi cy’u Rwanda, yatsinze APR FC ibitego 3-2 inatsinda AS Kigali ku mukino wa nyuma. Yo yatsinzwe na Azam FC biciye kuri za penaliti nyuma y’uko amakipe yombi yari yanganyije igitego 1-1.
Bivuga ngo muri iri rushanwa, iyi kipe ni yo yabashije kubona izamu kurusha izindi kuko yinjije bine. AS Kigali yatsinze imikino ibiri ya Azam FC [1-0] n’uwa APR FC kuri penaliti 5-4 nyuma yo kunganya igitego 1-1. Bivuga ngo yinjije ibitego bibiri gusa.
Azam FC yo muri Tanzania na yo yatsinze imikino ibiri ya Police FC kuri penaliti nyuma yo kuganya igitego 1-1 n’uwa APR FC [2-0]. Bivuga ngo na yo yinjije ibitego bitatu mu mazamu y’abo bari bahanganye.
