Adekunle Gold yahishuye uko indirimbo ye “Smile” yangiwe kujya kuri album ya Beyoncé, ayishyira kuri album ye nshya
Umuhanzi w’Umunyanijeriya Adekunle Gold yatangaje ko indirimbo ye yise Smile yagombaga kujya kuri album ya Beyoncé, Lion King: The Gift, ariko igahabwa intebe yo kwangwa.
Adekunle yavuze ko iyi ndirimbo yayanditse mu bihe bikomeye by’akababaro n’icyunamo yari arimo, aho yari yabuze umuvandimwe. Ati: “Muri icyo gihe nari ndi mu gahinda ku buryo ntari kubasha gutekereza ku muziki. Ariko umunsi umwe nasubiye muri studio, kubera ububabare nandika indirimbo ‘Smile’.”
Iyi ndirimbo ngo yari yifuzwa kujya kuri album ya Beyoncé yasohotse mu 2019, ariko ntiyigeze itoranywa ngo igaragaremo. Nyuma y’aho, Adekunle Gold yafashe icyemezo cyo kuyishyira kuri album ye nshya yise ‘Fuji’, iteganyijwe gusohoka mu minsi iri imbere.
Album Lion King: The Gift ya Beyoncé ni imwe mu zakunzwe cyane, ikaba yarashyizwemo abahanzi benshi b’Abanyafurika barimo Wizkid, Burna Boy, Tiwa Savage, Yemi Alade, Tekno na Mr Eazi. Nubwo Smile itayigaragayemo, Adekunle Gold yavuze ko kuri we ari igihangano cy’imitima, kandi ari ingenzi cyane kuri we nk’umuhanzi.
