Lagos – Nigeria : Inkuru idasanzwe ikomeje kuvugisha benshi mu Burengerazuba bwa Afurika ni intwererano ya Aliko Dangote, umuherwe wa mbere kuri uyu mugabane, mu bukwe bw’umuhanzi w’umunya-Nigeria Mr Eazi n’umukunzi we Temi Otedola.
Amakuru avuga ko ubwo Mr Eazi yasuye Aliko Dangote amuzaniye ubutumire bw’ubukwe bwe, Dangote yamumenyesheje ko ku munsi nyirizina atazaboneka ariko amwizeza kumutwerera amafaranga agera kuri miliyoni $3.4.
Mu buryo bwatunguye benshi, Mr Eazi yahisemo gusubiza ko kuruta intwererano ikomeye, icyari kumushimisha cyane ari uko Dangote ubwe yamubera umushyitsi mu bukwe bwe, kuko we yari afite ingengo y’imari ihagije yateganyirije uwo munsi udasanzwe.
Ibi byatumye Dangote ashidikanya ku cyifuzo cya Mr Eazi maze yifuza kumenya byinshi ku buzima bwe bw’akazi n’imari. Ubu bushakashatsi bwaje kugaragaza ko Mr Eazi atari umuhanzi usanzwe: yashoye imari mu bihugu bisaga 18 byo muri Afurika, ibintu byerekana ubushishozi n’ubushobozi bw’ikirenga.
Bitandukanye n’abandi bahanzi benshi bakunda kugaragara mu modoka zihenze, mu mikufi y’imitako cyangwa mu bindi by’agaciro, Mr Eazi akenshi yagaragaye nk’umuntu uharanira ishoramari rirambye aho guhera ku bintu by’ubwiza bw’inyuma.
Ibi byamuhaye isura nshya mu maso y’abakunzi be n’itangazamakuru, aho benshi bamufata nk’umwe mu bahanzi bakize kandi bafite icyerekezo cy’ejo hazaza muri Afurika
