Umuhanzi Bertrand Beni, utuye mu gihugu cya Canada, yashyize hanze indirimbo nshya yitwa Sinsanzwe, ikubiyemo ubutumwa bukomeye bwo kuramya no guhimbaza Imana. Ni indirimbo ishingiye ku rugendo rudasanzwe rw’uyu muhanzi mu buzima bwe, cyane cyane ubwo yari arwaye bikomeye.

Bertrand Beni amaze imyaka itanu aba muri Canada, aho yahisemo gukoresha impano ye yo kuririmba mu guhesha Imana icyubahiro, abinyujije mu ndirimbo zo kuramya. Sinsanzwe ni indirimbo ivuga ku buhebuje bw’umuntu mu byaremwe byose, ndetse n’ububasha Imana ifite bwo kumukiza ibikomeye, nk’uko byagaragaye mu nkuru yo muri Bibiliya aho Yesu yakijije umuntu wari wuzuye amadayimoni akayohereza mu ngurube ibihumbi bibiri.

Bertrand Beni yagize ati “Impamvu nayise Sinsanzwe ni uko Imana yaremye umuntu arusha agaciro ibindi byose. Nta kindi kiremwa yigeze yambara umubiri wacyo, ni umuntu wenyine. Bivuze ko umuntu atari usanzwe,”

Uyu muhanzi kandi avuga ko indirimbo ye yaturutse ku gitekerezo cyaje ubwo yari mu bitaro amaze kubagwa. Yagize ikibazo gikomeye ubwo ikinya cyamushiragamo,yumva ari hafi gupfa. Ariko mu gitondo yazanzamukanye imbaraga nshya, yumva ubuzima buragarutse, ari nabwo yibutse amafoto ye akiri umwana arwaye cyane, agaragaza ko Imana imufiteho umugambi udasanzwe.

Yagize ati “Numvise ko kuba nkiriho bitari impanuka. Nahise menya ko ntasanzwe, kuko Imana yandinze kuva nkiri muto, ndetse n’ubwo nari ndwaye bikomeye, yankijije.”

“Sinsanzwe” ni imwe mu ndirimbo 4 zizaba zigize EP nshya ya Bertrand Beni yise VISA, izasohoka vuba.

Umva indirimbo “Sinsanzwe”


Shaka Bertrand Beni kuri YouTube na kuri platforms zose zisakaza umuziki, ubone indirimbo yuzuyemo ubuhamya n’imbabazi z’Imana.

Iradukunda Grace Divine wamenyekanye mu kuvanga imiziki nka DJ Ira uherutse kwemererwa guhabwa ubwenegihugu bw’u Rwanda na Perezida Paul Kagame, kuri uyu wa Kabiri yabuhawe mu buryo budasubirwaho.

Kuri uyu wa 15 Mata 2025 ni bwo DJ Ira n’abandi bantu 35, bahawe ubwenegihugu bw’u Rwanda mu buryo budasubirwaho nyuma yo kurahira.

Abo bose uko ari 36 bari baherutse gusohoka mu Igazeti ya Leta ku rutonde rwagiye hanze ku wa 7 Mata 2025, rugaragaza ko bemerewe ubwenegihugu bw’u Rwanda.

Ku wa 16 Werurwe 2025 ni bwo DJ Ira yasabiye mu ruhame Perezida Kagame ubwenegihugu bw’u Rwanda. Perezida Kagame yamubwiye ko ku bwe abumwemereye ariko bisaba kuzuza ibisabwa kugira ngo abuhabwe.

Mu minsi ishize uyu mukobwa yari yabwiye IGIHE ko yatunguwe no kuba yarahamagawe n’abakozi b’Urwego rushinzwe Abinjira n’Abasohoka mu gihe kitageze no ku masaha 24, nyuma yo kwemererwa ubwenegihugu n’Umukuru w’Igihugu, bamusaba ko yajya kuzuza ibisabwa kugira ngo abuhabwe.

DJ Ira ni umwe mu bahanga mu kuvanga imiziki, umwuga yatangiye mu 2016 abifashijwemo na mubyara we, Dj Bissosso.

DJ Bissosso yinjije DJ Ira i Kigali muri Kanama 2015 avuye i Burundi ubwo yari arangije amashuri yisumbuye.

Abakorera mu biro n’ahandi hakorerwa imirimo isaba kuguma ahantu hamwe, bagwa mu mutego wo kwicara mu ntebe bagakora akazi ubutaruhuka, barambirwa bakihengeka cyangwa bakamera nk’abaryamye mu ntebe nyamara inzobere mu buvuzi zivuga ko ibyo ari nko kunywa uburozi ubureba.

Umuhanga mu bijyanye no kugorora umuburi (Physiotherapist), Mutabazi Jean de la Paix, yatangaje ko ibifasha abantu kurinda urutirigongo rwabo kwangirika ari uko mu kazi kose bakora birinda kurenza isaha imwe bicaye ahantu hamwe, badahaguruka.

Mu kiganiro yagiranye na RBA, yavuze ko abantu benshi bumva ko kwicara neza ari kuba ufite intebe nziza zifasha umugongo, kuba yicara atunamye ariko ibyo byose bitabarinda ibibazo by’umugongo mu gihe bamara amasaha menshi bicaye.

Yagize ati “Kirazira kugira ngo umuntu arenze iminota 60 ari mu mwanya umwe atabasha kuva muri ibyo byicaro, akenshi ibyo bituma umugongo uruha.”

Yavuze ko andi makosa akorwa n’abantu, ari ukugerageza kuruhura igice kimwe cy’umugongo mu gihe yumva umugongo umaze kunanirwa, nko kwicara wihengetse, kugereka akaguru ku kundi, cyangwa kwegamisha intebe.

Avuga ko ibyo birushaho guhuhura urutirigongo rugahetama, nyamara icyaba cyiza ari uguhaguruka ukananura umugongo.

Ati “Wakagombye guhaguruka ukagendagenda iminota mike cyane, niyo yaba umunota umwe, icyo gihe uba utabaye umugongo wawe.”

Inama atanga ni ukwirinda gushyira ibintu byose ukenera hafi yawe, kandi ukimenyereza kwihereza icyayi, impapuro, n’ibindi umuntu akenera mu kazi aho kubituma umukozi.

Mutabazi yongeyeho ko igihe cyose umuntu yicaye akwiye kwicara neza urutirigongo rwe rukoze imfuruka igororotse kuko ari umuti ariko bikanoroshya akazi.

Umuhanzi Itahiwacu Bruce [Bruce Melodie] ku nshuro ya kabiri yongeye kuvuga ko bitinde bishyire kera azegukana Grammy Awards kimwe mu bihembo bikomeye mu muziki ku Isi.

Mu butumwa yashyize ku mbuga nkoranyambaga ze kuri uyu wa 01 Mata 2025, yongeye gushimangira ko bizatinda ariko agashyira agacyura Grammy Award i Kigali, ndetse asaba abantu kuzamwibutsa ibi yavuze.

Bruce Melodie ahamya ko ibyo ari ibintu byigaragaza, ndetse ko umuntu utabibona yaba atareba kure.

Muri ubwo butumwa yagize ati “Niba ahazaza hanjye utabonamo Grammy, ntabwo ureba neza bihagije (Ntabwo ureba kure). Ubu butumwa muzabunyibutse”

Ntabwo ari ubwa mbere Bruce Melodie agaragaza ko azashyira akazana Grammy Award mu Rwanda, kuko ku nshuro ya mbere yabivuze mu Ugushyingo 2023.

 

View this post on Instagram

 

A post shared by IBYAMAMARE (@ibyamamaretv)

Mu butumwa yanyujije ku rubuga rwa Threads muri icyo gihe, yagize ati “Mwite ku magambo yanjye, umunsi umwe nzazana ibihembo bya Grammy mu rw’imisozi igihumbi.”